Ten wheeler truck ug van nagbangga-driver sa van patay


General Santos City—patay ang Driver sa Van human niining nabanggaan ang gisundan niining Ten wheeler truck sa may National Highway, sakop sa Silway 8, Polomolok, South Cotabato.


Giila ni Police Sr. Inspector Hernan Gabat, hepe sa Polomolok PNP ang biktima nga si Bonifacio Peligro, legal age,  nga taga Lerio St., Barangay Poblacion, Polomolok  ug ang driver sa ten wheeler truck nga si Emisito Baldueza, 29, residenti sa Lower Poblacion, Sta Maria, Davao Del Sur human nahitabo ang disgrasya sa kadalanan sa may national highway sakop sa barangay Silway 8, Polomolok.

 

Alas 8:30 ang takna sa gabie niadtong Lunes, March 20, 2017  susamang gikan sa Gensan ang duha ka mga sakyanan, pag abot sa lugar, misignal ang driver sa  ten wheeler truck nga siya musulod sa Tatti Compound nga nahimutang sa maong lugar.


Posibling wala kini nabantayan sa biktima hinungdan nga iyang nabanggaan ang lubot nga bahin sa truck nga hinungdan sa pag-angkon niini ug grabeng samad sa nagkandaiyang parti sa kalawasan.


Nasayran nga dugay ang pag rescue sa nahisgutan human nga siya naipit ug maayo sa driver sit tungod sa kusog nga impact sa pagbangga niini sa dakong sakyanan.


Gidala dayon ang biktima sa Doctors Hospital apan human sa pila ka oras, nakabsan kini sa iyang kinabuhi.


Sa karon anaa na sa kustudiya sa  Polomolok PNP ang driver sa ten Wheeler truck, samtang wala pay desisyon ang pamilya sa biktima kung ila bang pasakaan o aregluhon  nalang ang kaso ngadto sa truck driver.



Facebook Comments