TESDA-Bukidnon mitanyag og libreng skill training ngadto sa kasundalohan

53
Libreng gitanyag karon sa Technical Education and Skills Development Authority (TESDA) Bukidnon-Provincial Training Center ang skills training ngadto sa mga tropa sa Philippine Army.

Diin muabot sa 39 ka mga uniformed personnel gikan sa 52nd Engineering Brigade sa Philippine Army ang mipailawom og training kalabut sa Electrical Installation and Maintenance NCII sugod niadtong Mayo 2 hangtud Mayo 16 samtang naka eskedyul usab silang magpailawom og laing training nga mao ang Construction painting karong Mayo 20.

Ang maong programa sa TESDA sa pagpailawom sa maong mga kasundalohan sa training, nagtumong matud pa sa pagdala sa serbisyu ug ingon man ang pagpadaghan sa ihap sa mga skilled workers diha sa mga hilit nga lugar nga mahimong makahatag usab og dugang panginabuhian sa ubang katawhan.

Kahibaloan nga usa sa mga ahensiya sa gobyerno ang TESDA-Bukidnon nga hugot nga misuporta usab sa E.O 70 ni President Duterte maong suportado usab niini ang paghatag og libreng training sa bisan unsang skills nga buot tun-an sa mga kasundaloan sa pagtumong nga mahimong madala usab nila ang ilang mga natun-an nganha sa mga hilit nga kabarangayan dinhi sa Bukidnon.

Facebook Comments