TESDA, nagpahimangno sa publiko kalabot sa mga fly by nights o colurom nga mga tulunghaan

173

Malaybalay City, Bukidnon – Nagpahimangno karon ang Technical Education and Skills Development Authority kon TESDA Bukidnon sa publiko kalabot sa mga fly by nights nga mga tulunghaan kon mga nagpatoo nga accredited sa TESDA.

Sa interview sa RMN ngadto kang TESDA Bukidnon Provincial Director Kotie Bax, gipahimangnuan ninii ilabina kadtong buot mo-enroll sa technical vocation courses.

Tambag niini sa publiko nga muadto sa ilang buhatan ug susihon kung rehistrado ba sa TESDA ang ilang gusto nga tun-an.


Matud sa provincial director nga kinahanglan nga malikay ang publiko sa mga fly by nights o kolurom nga mga tulunghaan nga nangolekta ug dako nga balayrunon.

Sigun niya nga kung mabiktima sayang ang panahon, kwarta ug kahago ug dili usab nila mahatagan ug special order sa iyang graduation.

Gipasabot niini nga ang mga tulunghaan nga accredited sa TESDA kadto lang gi-isyuhan nila ug certificate of TVET program registration.



Giaghat pa ninii ang publiko nga kung adunay mga nasuta nga mga tulunghaan nga walay CTPR itaho kini sa ilang buhatan.

Naglibot usab matud pa siya sa mga local government unit aron masiguro nga dili mudaghan ang mga tulunghaan nga nagpatoo nga accredited sa TESDA ug mutanyag ug mga short term courses.


Usa matud pa kini sa pamaagi nga iyang gihimo human nga nadawat ang mga taho nga adunay tulunghaan nga nagtanyag ug mga kursong short term ug gidala ang pangalan sa TESDA aron lang makapang-warta.

Facebook Comments