Gibutyag ni Police Major Dexter Dominggo kasong Reckless Imprudence Resulting in Homicide, Serious Physical Injury and Damage to Property ilawom sa Article 365 and Article 275 (Abandonment of One’s Own Victim) sa Regional Trial Court 11 (RTC 11) ang gipasaka batok sa driver nga si Jester Silaya Yucosing.
Kini gipaagi sa regular filing diin ang mga complainants ang amahan sa biktima nga si Anthony Juaton Talili, ug ang uyab niini nga si Jayrald Baril Damaulao nga maoy nagmaneho sa giligsan nga motor.
Gibutyag ni Domingo gikonsidera na nila ang kaso nga closed human naidentipika, nisurrender ug napasakaag kaso ang suspek.
Sa imbestigasyon nasayran sa TEU nga sa mga nakuhang ebidensya giilisan pa sa drayber ang plaka sa Toyota Hilux-Conquest nga nakaligis sa maguyab niadtong Enero 26, 2023 sa kadlawon.
Gilantaw kini sa kapulisan sa posibleng paglikay o pagikyas sa pagatubang sa krimen.
Girekomendar usab sa TEU ngadto sa Land Transportation Office ang immediate revocation sa lisensya ni Yucosing nga nalambigit na kaniadto sa traffic violation niadtong Nobyembre 12, 2022.
Samtang, nag-isyu na og Temporary Operator’s Permit (TOP) kang Boston, Davao Oriental Vice Mayor John Paul Lampig.
Wala gisirado sa TEU ang imbestigasyon sa mamahimong posibleng liability ug pagpasang-at og kaso sa bise Mayor.
RadyoMaN Aimee Guinita
