TF Davao: 33 ka tao naharang tungod sa non-essential travel

Davao City – Balik sa agi ang anaa sa 33 ka mga indibidwal human kini wala nakasulod sa syudad sa Davao human naharang sa checkpoints sa Task Force Davao (TFD) tungod sa non-essential travels.

Sa interbyu sa DXDC RMN Davao kang Major Ronel Legarde, Spokesperson sa TFD, gibutyag niini nga luyo sa temporaryong pag-suspende sa scanning sa Davao QR (Quick Response) Code o ang Safe Davao QR (DQR), hugot gihapong ginasusi kung makonsiderang importanteng lakaw kun essential travel ang lihok sa mga tao.

Tambag ni Legarde nga hibal-on una ang requirements sa pagbiyahe labi na pasulod sa Davao City ilawom sa Executive Order (EO) No. 63-B Series of 2020.


“Sa tanang mulabay pasulod ug pagawas sa Davao City, i-open lang ang atong City Government of Davao (Facebook page). Naa pud ‘tay hotline sa CIO (City Information Office), naa didto ang site kung gusto sa mga travelers nga muagi, musulod aron maka-apply sila og confirmation pass,” segun ni Legarde.

Nasayran nga nagdugang usab ang TFD og security forces sa mga bus stop sa dakbayan aron nga masiguradong walay mahibiling gamit sa pasahero nga posibleng mahimong hulga sa seguridad sa Davaoeños.

RadyoMaN Kirby Manzon

Facebook Comments