Tibo-gidunggab sa Ex sa iyang uyab

General Santos City—Samad sa iyang abaga ang naangkon sa usa ka Alias Nicay, 19 anyos, nga taga Purok Kulasi, Barangay Labangal, Gensan human giluba sa Ex- sa iyang uyab nga ginganlan lang ug alias Maymay alas 8:00 ang takna sa gabie sa may Purok Lanton, Barangay Apopong, Gensan.

Sa pahayag sa biktima sa RMN Gensan News Team nasuta nga mitambong kini sa birthday sa iyang barkada sa may Purok lanton, uban sa iyang uyab.

Sa birthday naa usab ang presensya sa ex sa iyang uyab ug gumikan sa tumang selos nahimo sa suspek ang pagdunggab kaniya.


Dugang saysay sa biktima nga dugay nang nagbulag ang iyang uyab ug Ex niini apan posible matud pang gugmaan gihapon kini sa iyang uyab maong nagselos.

Sa karon buot ipadakop sa biktima ang suspek gumikan na usab sa gihimo niini ngadto kaniya.

Facebook Comments