Tig sanggot sa Goma, gitigbas.

Samaran ang usa ka tig sanggot sa goma nahitabo didto sa brgy. Nipaan, lungsod sa Sindangan, ning atong probinsya, dili palang dugay.

Naila ang biktima nga si Ronald Caballero Hampac, 35 anyos samtang ang suspek mao si Meljun Omandam Paglinawan, 49 anyos, usa ka balo ug ang duruha pulos residente sa nahisgutan nga lugar.

Matod pa, sa dihang nahidangat ang biktima duol sa ilang panimalay, kalit nga miabot ang suspek armado kini sa mahait nga sundang ug sa walay daghang pangutana mitigbas kini sa biktima.


Nakaangkon gilayon ug samad sa toong bahin sa iyang bukton hinungdan nga dali mikaratil ug dagan ang biktima, apan gisundan gihapon kini sa suspek, hinoon wala na kini naapsan pa.

Dali nga gidala ang biktima brgy. Health center didto sa brgy. Siare, Sindangan alang sa hinanaling medikasyon.

Dali usab nga naaresto ang suspek human sa gipahigayon operasyon sa kapulisan sa maong lungsod, sa kasamtangan anaa na karon gibalhog sa detaintion cell sa nahigutan nga Police Station.

Matod pa Personal nga panagbangi ang hinungdan sa pagpanigbas.

Facebook Comments