Tighimo’g fake travel authority ug rapid test clearance dakpan

35

Davao City – Kasong Falsification of Public Documents ug kalapasan sa RA 11332 ang ipasaka sa kapolisan San Pedro sa korte batok sa usa ka tighimo og peke nga travel authority ug rapid test clearance.


Sa pakighinabi sa DXDC RMN Davao kang Police SSgt. Rechie Paul Lozano, San Pedro Police Station Investigator, giila ang dinakpan nga usa ka Lolito Licomes Tenebro, 27 anyos, computer technician diin matud pa karong adlawa, Martes (Agosto 11, 2020) ipasaka ang kaso sa korte batok sa suspek nga tiggama sa peke nga mga medical certificate, rapid test clearance, barangay certificate ug travel authority.

Gihimo ang entrapment operation sa mga awtoridad tungod sa reklamo batok sa suspetsado.

Malampuson kining nasikop alas 3:40 sa hapon sulod sa usa ka mall sa Bolton Street, Davao City.

Si Tenebro detinado na karon sa San Pedro Police Station.

RadyoMaN Don Pulayao

Facebook Comments