Tigpalast two sikop sa kapulisan

Davao City- Nadakpan sa kapulisan sa Sta. Ana PNP ang usa ka babae human naaktuhan nga nagpalast two atol sa gilusad nga anti-illegal gambling operation alas 7:40 sa gabii natigayun sa purok San Antonio R Castillo Agdao ning dakbayan.

Basi sa blotter sa kapulisan, naila ang dinakpan nga si Marilyn Dahay Rada, 46 anyos, residente sa Km. 12 Saint John Brgy. Panacan ning siyudad.

Narekober sa kapulisan ang mga resibo sa last two with carbon paper, ballpen, bet money nga 90.00 ka pesos ug uban pang illegal gambling paraphernalia.


Ang dinakpan mag atubang og kasong kalapasan sa Republic Act 9287 kun Illegal Gambling samtang gihikay na sa kapulisan ang kaso aron hingpit iduso ngadto sa korte.

RadyoMan Don Pulayao

Facebook Comments