Tigpautang, kolektor sa Toril gipangpusil-patay

Davao City – Wala pay matumbok nga suspek ang kapolisan partikular ubos sa area of responsibility sa Toril PNP human sa mga sunod-sunod nga patay nga nahitabo sa ilang lugar.

Sa pagpanubay sa DXDC RMN DAVAO kagahapon, nasayran nga ang agalon nga tigpautang ug iyang tigsingil kun kolektor gi-usa-usa og pusil-patay sulod lamang sa tulo ka semana gikan sa hinapos sa Marso ug niadtong petsa onse ning kasamtangang bulan.

Unang gipusil-patay si Ricky Robel sulod sa iyang tindahan samtang niadtong nakalabay’ng adlaw bagohay ra usab gipusil-patay sa mga naka motorsiklo ang kolektor niini nga si John Karl Averilla, 23-anyos, usa ka ulitawo.


Subay niini hustisiya ang singgit karon sa kabanay sa mga biktima ilabi na nga nawad-an kini sila og bana ug anak nga matud pa mga buotan ug wala nahilakip sa drug watchlist.

Ang kapolisan sa Toril mas gipalawman pagpaniid sa maong kaso nga posibleng magtudlo sa suspek sa pagpatay sa lending investor ug sa iyang collector.

RadyoMaN Paul Canono

Facebook Comments