TIGPAYUHOT UG DROGA, PATAY HUMAN MISUKOL SA PULIS

Ang hini-usang pwersa sa kapulisan sa Sindangan ug ZNPPO sa pagpangulo ni P/supt. Stephen B. Daang, nagpahigayon ug buy bust operation ngadto sa usa ka notado nga drug pusher sa brgy. Motibot, Sindangan, ZN.

Naila ang suspek nga si Ricky Romaguera, 42, menyo, residente sa Leon B. Postigo, ZN, nakig transaksyon kini sa usa ka PO2 nga si Matias Miyas nga nagpaka –aron ingnonng buyer.

Apan nakamatikod ang suspek nga pulis ang iyang ka transakyon hinungdan nga milanit ang suspek sa iyang calibre 45 dayong pusil ngadto kang PO2 Miyas, swerte nalang nga nakalikay kini.


Samtang ang RPSB mi balos kini ug pabuto ngadto sa suspek hinungdan nga naka hi-agom kini ug samad pinusilan sa iyang lawas, ang kauban sa suspek dali nga mi-ikyas sakay sa motorsiklo human nakadungog sa pag sinukliay sa buto- buto.

Human sa panghitabo dali kining gidala sa balay tambalanan sa Sindangan District hospital alang sa hinanaling medikasyon apan ge deklara kining DOA sa attending physician.

Ang mga nakuha nga ebidensyang shabu lakip na ang 500 ka pesos ang gidala kini sa ZN-PNP Crime Laboratory Office.- MARK A. BACROYA

Facebook Comments