Tigulang nga nagabisekleta, ginsalakay sang motorsiklo; backrider ginsumbag ang biktima

191

Nakaagum sang pagpalanakit sang guya si Raymundo Monteclaro, 60 anyos sang Brgy. Pakiad , Oton, Iloilo matapos ginsumbag ni Ricky Valencia, 44 anyos sang Duenas, Iloilo.

Una diri nagabisekleta si Monteclaro sa bahin sang Circumferential Road, Barangay So-oc, Arevalo, Iloilo City sang iya ginlikawan ang baka nga gulpi lang nagtabok sa dalan apang nalab-ot sang motorsiklo nga nagasunod nga ginamanehar ni John Cachuela , 31 upod ang backrider nga si Ricky Valencia ang ulihi nga roeda sang mountain bike.

Bangud sini, natumba si Monteclaro kag bangud naka-inom kag naakig ang backrider nga si Valencia, iya ginsumbag ang biktima.

Samtang, pag-abot sa police station, nahisugtan sang duha ka bahin nga ang suspek ang magagasto sa medical expenses sang biktima.

(photo from web)

Facebook Comments