Tingog, Hugpong ni Mayor Sara Duterte nagsanib-pwersa

130

TACLOBAN CITY – Nagporma na hin alyansa pinaagi han “alliance agreement” an Lakas-Christian Muslim Democrats (CMD), Tingog Sinirangan Party-List Group, ngan Hugpong Ng Pagbabago (HNP) an regional party han anak ni Presidente Rodrigo Duterte nga hi Davao City Mayor Sara Duterte-Carpio ha Tacloban City yana nga adlaw.

Lakas-Cmd President and Leyte’s 1st District Congressional Candidate Martin Romualdez, Incumbent Leyte 1st District Rep. Yedda Marie Kittilstvedt-Romualdez, ngan mga myembro han political party ngan mga senatorial candidates an nagwelcome kan Sara para han pormal nga signing nga nahinabo ha Tacloban City Convention Center o kun Tacloban Astrodome.

Sumala kan Martin Romualdez, ini in pormal nga pagpakita nga an mga partido in nagkaka-urusa, hi Mayor Sara iton nagin guest of honor ngan keynote speaker hini nga event.

Dugang ha pamahayag ni Romualdez, pareho hira nga komitado ha mga plano o agenda ni Presidente Duterte nga unahon iton mga pilipino para magin maupay an Pilipinas.

Una dinhi an pagpoypoy ha illegal nga droga, kriminalidad ngan maibanan an kapobre han mga pilipino.

Susuportahan gihapon han mga Romualdez’s an senatorial bets nga gin-eendorso han partido han Presidential Daughter.

Upod na dinhi hira Reelectionist Senators Sonny Angara, Cynthia Villar, and Joseph Victor “Jv” Ejercito; Ilocos Norte Gov. Imee Marcos, and Taguig City-Pateros 2nd District Rep. Pia Cayetano.

Ha LAKAS-CMD naman hira Sen. Ramon “Bong” Revilla Jr., LAKAS-CMD Chairman; Jinggoy Estrada; And Dr. Willie Ong nga nakandidato kumo mga senador.

Facebook Comments