Tinun-an sa PECIT champion sa DXBC Kasingtahan

Nakuha sa mga tinun-an sa Philippine Electronics and Communication Institute of Technology (PECIT) ang unang dapit sa gipahigayung “Kasingtahan 2018” sa RMN DXCB Butuan ug IFm kagabie didto sa Guingona Park ning syudad sa Butuan.
Ang “Kasingtahan” usa ka love duet singing competition nga tinuig ipahigayun sa RMN DXBC ug IFm matag kasaulogan sa Valentines’ Day.
Gi-awit ang kanta nga “secret love”, nakuha nila ni Alvincent Guinsod ug Rose Jean Meorom sa PECIT ang unang dapit kinsa midawat ug P5,000 nga ganti’ng salapi.
Samtang nakuha nila ni Frederick Chavez ug China Mae Acido, gikan sa FSUU ang ikaduhang dapit pinaagi sa kanta nga “Sana Maulit Muli”, kinsa midawat ug P 3,000 nga ganti.
Ang ikatulong dapit nakuha nila ni Yutuki Tatemori ug Pamela Ruth Lloren gikan sa SJIT uban sa kanta nga “Huwag kalang Mawawala” ug nakadawat ug P2,000 nga premyo.