TIPDAS | KASO SANG TIPDAS SA WESTERN VISAYAS, NAGLAB-OT NA SA 688.

16

Naglab-ot na sa 688 ang kaso sang tipdas sa Western Visayas base sa monitoring sang Department of Health Region 6 tubtub subong nga adlaw (Pebrero 22).

Sa nasambit nga numero, nagapanguna ang Negros Occidental nga may 253 ka kaso kag ang Antique nga may 161.

Nagapabilin naman nga tatlo ang ginreport nga napatay tuga sang tipdas.

Ginpahayag ni Dr. Renelyn Reyes, ang Family health and Nutrition cluster head sang DOH 6 nga ginrekomendar nila nga ang tagsa ka Provincial Health Office ang may yara dapat sang operation centers sa paghatag sang bakuna ilabi na sa mga kabataan nga wala pa nabakunahan sang anti-measles.

Suno kay Reyes nga sa karon may ginahiwat na nga pagbakuna sa mga health centers sa kabanwahanan kag ginpat-od man sini nga sa masunod nga semana magahiwat sila sang immunization sa mga eskuwelahan.

Facebook Comments