‘Tokhang’ vs rogue cops gipaboran

Davao City – Naghulat lamang og direktiba ang kapulisan sa Rehiyon XI ugaling ipatuman ang ‘Tokhang kontra Pulis’ kun operasyon ‘Toktok Hangyo’ ngadto mismo sa mga ginsakpan niini nga involved sa drug trade.

Sumala ni Police Senior Supt. Allan Manibog, Davao Del Norte Police Provincial Director aminado nga ang ilang hanay nagbaton gayud og salawayong mga pulis sama na lang sa paglambigit sa iligal nga droga gani nagpadayon usab ang ilang ‘internal cleansing’ pinaagi sa pagpahigayon og drug testing.

Dugang ni Manibog nga lakip sa ilang padayong paglimpyo sa ilang hanay karon ang ‘summary dismissal proceedings’ batok sa mga salawayong operatiba hinungdan nga mas gipahugtan nila ang pagpatuman sa random ug surprise drug tests sa ilang mga ginsakpan aron masigurong limpyo ang mga tigpatuman sa kampanya batok iligal nga droga antes pa sila magpatuman niini ngadto sa komunidad.


RadyoMaN Renz Barbarona

Facebook Comments