Top 1 most wanted person sa lungsod sa Roxas, nasikop

43

Roxas Z.N – Giremand na ngadto sa provincial jail sa lungsod sa Manukan ang wanted person nga nadakpan sa kapolisan didto sa Barangay Moliton lungsod sa Roxas, Zamboanga Del Norte, niadtong martes sa alas 2:40 sa hapon.

Nasayran nga nasikop sa Roxas PNP ang nagpangalan Iket Guminta Gumalao, 23 anyos, ulitawo nga lumulupyo sa Sitio Balubohan, Barangay Situbo, lungsod sa Roxas ning lalawigan.

Ang maong dinakpan ang nag-atubang sa kasong murder kinsa gikonsederar nga top 1 most wanted person sa lungsod sa Roxas (municipal level).

Ang pagsikop niini subay sa warrant of arrest nga gi-isyu ni Hon.Ric S. Bastasa, Presiding Judge, RTC9 Branch 9, Dipolog City, gipetsahan April 23, 2018.

Ang korte way gisitar nga piyansa sa giatubang niining kaso, kon mapamatud-an hayan matangong kini sa prisohan.

Photo Courtesy : PNP Roxas

Facebook Comments