Dakpan sa ginpatigayon nga buy-bust operation sang Polomolok MPS kag South Cotabato Provincial Mobile Force Company sa Purok Nagka-isa, Brgy Magsaysay, Polomolok, South Cotabato sang Agosto 31, 2020 ala-1:10 sang hapon ang isa ka tricycle driver.
Ginkilala ang suspek kay Marcelino Cachuela Exmondo, 51 years old kag residente sang Purok Sagrado, Valencia Site, Poblacion sa nasambit nga banwa.
Nakuha naman sa suspek ang isa ka unit sang Homemade Cal 22, mga bala, 4 pieces heat sealed transparent plastic sachets sang ginapatihan shabu, P 500.00 buy-bust money kag Honda TMX 125 Tricycle.
Samtang ang nakuha naman nga shabu ang may kabug-aton nga more or less 1 gram kag nagakantidad sang Six Thousand Eight Hundred Pesos (P6,860.00).
Nahibaluan nga ang suspek ang yara sa Top Ten Local Priority drug personality sa Polomolok kag una na nga nadetine sa nasambit nga police station tungod sa bayolasyon sa Sec. 5, Art. II sang RA 9165 sang Hulyo 27, 2018.
Kaso naman nga pagbayolar sa Section 5 kag 11, Article II sang RA 9165, RA 10591 kag Direct Assault ang ginpasaka batok sa suspek.
