Top 10 Most Wanted sikop sa Sasa PNP

14

Davao City – Human sa taud-taod nga pagtago-tago gikan sa kamot sa mga otoridad hingpit na nasikop ang isa sa Top 10 Most Wanted sa Sasa PNP area kagahapong adlawa.

Nabalhog na karon sa selda sa Sasa PNP ang suspek nga si JC Cosep Serondo, 22 anyos, laborer, minyo ug residente sa Malagamot Panacan ning syudad.

Gigamhan sa warrant of arrest nga gi-isyu ni Judge Estrelita Rojas sa MTCC XI Branch 2, 11th Judicial Davao Region ang kapulisan dihang gisikop ang suspek alas 5:00 sa hapon.

Si Serondo, ika-7 sa Top 10 Most Wanted sa area sa Sasa PNP tungod sa kasong Theft sa sala ni Judge Rojas ug taas-taas nga panahon gipangita sa mga otoridad.

Human nadawat sa kapulisan ang gitagoan sa suspek wala maglangay ang warrant section sa pagpanguna ni SPO2 John Jayme gilayon gisilbi ang orden de aresto batok ni Serondo.

Nagpaabot na lamang og dugang kamandoan ang Sasa Pnp gikan sa korte aron hingpit kini ibiyahe paingon sa Davao City Jail.

RadyoMaN Joel Viray

Facebook Comments