Top 2 most wanted sa Digos ‘misukol’-patay

40

Davao City – Patay ang gikonsiderang Top 2 Most Wanted Person sa Digos City, Davao del Sur kinsa giingong misukol sa kapulisan atol sa pagsilbi sa warrant of arrest sa Brgy. Dulangan, Digos City.

Ang suspek giilang si Vicente Odas Abe, 53 anyos kinsa nag-atubang og kasong homicide.


Sa interbyu sa RMN Davao kang Digos City Police Investigation Section chief Police Executive Master Sergeant (PEMS) Jonathan Flores, inay musumite sa iyahang kaugalingon sa kapulisan, giingong nisukol kini gamit ang iyahang pusil, hinungdan nga nibalos ang mga operatiba.

Gisulayan og dala ang suspek sa Davao del Sur Provincial Hospital apan gideklara na kining dead on arrival.

Ipailawom sa post mortem examination ang patayng lawas sa suspek sa Bansalan, Davao del Sur.

RadyoMaN Aimee Guinita




Facebook Comments