Dapitan City – Malampuson nadakpan sa hiiusang pwersa sa Dapitan PNP ug Dipolog PNP ang usa ka wanted person human sa ilang gipahigayon na manhunt operation dinha sa Brgy Central ning dakbayan sa Dipolog pasado alas 10:00 kagahapon sa buntag.
Ang dinakpan naila nga si Reynaldo Pangcalan Sagario 60 anyos lumad nga taga Brgy Dawo, Dapitan diin subay sa record sa kapolisan anaa kini sa top 4 most wanted person sa city level.
Ang pagsikop sa mga otoridad ngadto kang Sagario nagsumikad sa nilusot nga warrant of arrest sa giatubang niining tulo ka ihap sa kasong rape nga giluwatan sa sala ni Presiding Judge Rogelio Laquihon sa RTC, 9th Judicial Region, Branch 7, Dipolog ubos sa CC Nr. 22199, 22200 ug 2220, pinitsahan niadtong Pebrero 23, ning tuiga.
Ang dinakpan balhug na karon sa prisohan ug temporaryong kining makabaton sa kagawasan kon makapiyansa sa balor 200mil ka pesos nga girekomendar sa korte.
