Dumalinao, Zamboanga del Sur – Dakpan ang Top 5 Most Wanted Person sa lungsod sa Dumalinao atol sa gilusad nga Joint Operation sa kapulisan didto sa Purok 6, Brgy. Sugod, Sultan Naga Dimaporo, Lanao Del Norte.
Nag-ipon og puwersa ang kapulisan sa lungsod sa Tukuran, Dumalinao, Sultan Naga Dimaporo ug Regional Intelligence Unit 9 nga miresulta sa pagkasikop sa target nga si Joven Labor, 32 anyos, mananagat nga Barangay Metokong, Dumalinao, Zamboanga del Sur
Armado ang kapulisan sa gahom sa Warrant of Arrest sa kasong MURDER, FRUSTRATED MURDER, ATTEMPTED MURDER nga gipagawas ni Judge Dennis Vicoy, sa Regional Trial Court Branch 21, 9th Judicial Region Pagadian City.
Ang nadakpan nga suspek gipaslak na sa selda sa Dumalinao Municipal Police Station diin walay pyansa nga girekomenda ang korte bugti sa temporaryo nga kagawasan sa dinakpan.
