Top 8 drug personality na-neutralisa

94

Davao City – Patay ang Top 8 drug personality sa Davao City Police Office human na-neutralisa sa Sta Ana PNP alas 4:05 sa kaadlawon sa dihang gipatuman ang search warrant sa pagpanguna ni Police Chief Inspector Michael Uyanguren ang Station Commander Sta Ana PNP natigayon didto sa Purok 8, Barangay Tomas Monteverde siyudad sa Davao.

Sa report gikan sa Sta Ana Pnp naila ang suspek nga napatay mao si Rusty Lima Gomez, 40 anyos nagpuyo sa nahisgutang lugar.

Matud pa sa dihang gipahigayon sa kapolisan ang operasyon ngadto sa pinuy-anan sa suspek aron mutahan sa iyang kaugalingon kalit gi-draw sa suspek iyang armas dayon pusil tumong sa kapulisan rason nga napusilan ang suspek sa mga otoridad.

Daling gidala sa Southern Philippines Medical Center si Gomez apan gideklara na kining wa nay kinabuhi sa mga attending physician sa maong ospital.

Nakuha sa suspek ang pito ka sachet sa gituohang shabu nga adunay estimated street value nga 15,000.00 pesos ug mga drug paraphernalia.

Samtang naglusad og Parallel investigation ang SOCO sa pagpanguna ni Police Chief Inspector Selviron diin narekober sa crime scene ang usa ka unit nga Taurus .38 caliber revolver nga dunay tulo ka bala, usa ka basiyo sa bala ug laing usa ka basiyo sa 9mm cal.pistol nga anaa na karon sa Regional Crime Laboratory 11.

Ang patayng lawas sa suspek anaa na sa morgue sa SPMC.

RadyoMaN Don Pulayao

Facebook Comments