Top 8 drug personality sa Comval arestado

66

Davao City – Kasong kalapasan sa Section 5 sa Section 11, Article II of Republic Act 9165 kun Comprehensive Dangerous Drugs Act of 2002 ang gipasang-at batok sa gikonsiderang Top 8 Drug Personality sa Compostela Valley Province karong adlawa sa piskalya sa Davao.

Nadakpan niadtong Sabado ang suspek nga si Deo Junn Logronio, 33 anyos, minyo, merchandiser atol sa buy-bust operation sa Philippine Drug Enforcement Agency Regional Office XI uban ang Compostela Valley Police Provincial Office Provincial Intelligence Branch ug Nabunturan Municipal Police Station sa may Purok 5, Poblacion, Nabunturan, Compostela Valley Province.

Sumala sa PDEA nga ang suspek napalitan kini sa ilang agent og usa ka gramos nga medium sachet sa shabu nga nagkantidad og P10,000.

Gawas niini nakuhaan pod kini’g tulo pa ka mga gagmayng pakete sa shabu atol sa maong drug operation.

Priso karon si Logronio sa detention facility sa PDEA-XI.

RadyoMaN Aimee Guinita

Facebook Comments