Top 8 High Value Target sa probinsya, nadakpan

22

Zamboanga del Sur – Nadakpan sa gilusad nga buy-bust operation alas 9:15 kagahapon sa buntag ang Top 8 High Value Target sa Provincial Level ug Top 8 priority target sa Philippine Drug Enforcement Agency.
Nag-ipon og pwersa ang tropa sa Margosatubig MPS, PDEA Zamboanga del Sur, ZdSPIB, ZdS, Provincial Drug Enforcement Unit, Lapuyan MPS ug AFP NAVAL Detachment nga nakabase sa Margosatubig diin gikasa ang operasyon sa Poblacion, Margosatubig, Zamboanga del Sur .
Nasikop ang target nga si Alex Caiba a.k.a “Taragtingan Tumilaw” 47 anyos, taga Sitio Latas, Linok, Lapuyan niining probinsya..
Ang suspek sakop usab sa criminal group nga giilang Andi/Montacer group nga dunay Warrant of Arrest sa kasong Robbery ug Homicide, nga gipirmahan ni Judge Fausto Imbing, Presiding Judge of Regional Trail Court 9, Zamboanga del Sur .
Nakuha gikan sa posisyon sa dinakpan ang 15 ka pakite sa gitoohang shab ug P1000 nga buy-bust money.

Facebook Comments