Top 8 sa drug watch list sa San Pedro PNP patay sa buy-bust operation

66

Davao City – Patay ang usa ka Top 8 Priority Target List sa San Pedro Police Station human giingong misukol sa awtoridad atol sa gikasang Joint Anti Illegal Drugs Operation kauban ang mga sakop sa Philippine Drug Enforcement Agency (PDEA-X1) sa Purok 9, Upper Madapo, Brgy.8-A ning dakbayan sa Davao.

Ang suspek nailing usaka Ryan Liquido Gahol, 43 anyos, residente sa nasangpit nga lugar.


Sumala pa, malampusong napalitan ang suspek og usa ka pakete sa gituohang shabu apan sa dihang nakabantay nga ang iyang gikatransak mga sakop sa pulis, giingong kalit mihulbot sa iyang caliber .22 snub nose revolver ang suspek og dayon pusil ngadto sa mga pulis apan abtik nga nakaresponde ang kapulisan sa pagdepensa diin napusilan ang lalaki.

Gisuwayan pa og dala ang suspek sa usa ka pribadong ospital apan gideklarang dead on arrival sa mga attending physician.

Narekober sa SOCO team ang usa ka caliber .22 revolver ug mga basiyo sa bala, tulo ka dagko sachet nga shabu nga adunay estimated street market value P30 mil diin lakip nakumpiska ang mga illegal drugs paraphernalia.

Sa imbestigasyon sa kapulisan, ang suspek kanhi nadakpan na tungod sa droga ug dunay kasong kalapasan sa R.A 10591 in relation to PNP Oplan kontra Boga.




RadyoMaN Don Pulayao

Facebook Comments