Davao City – Sikop sa hiniusang pwersa sa Magsaysay Municipal Police Station ug Philippine Drug Enforcement Agency (PDEA) ang duha ka nanarbaho sa konstruksyon atol sa gilusad nga buy-bust operation nahitabo alas-5:50 sa kadlawon sa Purok 3 Brgy. Mabini, Magsaysay, Davao del Sur.
Suspek naila nga si Dioscuro Gabihan alyas Koroy, 42-anyos, ulitawo, construction worker, kinsa gikunsiderang Top 1 sa Municipal Level samtang Top 9 sa Provincial Level, ug laing Jay-ar Raya, 27-anyos, ulitawo, usa ka construction helper.
Nakuha gikan sa mga dinakpan ang duha ka pakete sa gituohang shabu, P500 nga marked money, .38 kalibre sa pistol nga adunay tulo ka bala ug usa ka Honda Wave nga motorsiklo.
Gikustodiya na sa maong Police Station ang mga nakumpiskang gamit samtang balhog na sab sa selda ang mga dinakpan kinsa muatubang og kasong kalapasan sa R.A. 9165 kun Comprehensive Dangerous Drugs Act of 2002.
RadyoMaN Jason Amisola
