General Santos City—Patay sa operasyon sa Sarangani PMFC, SPPO PIB/Trackers, ug Malapatan MPS ang usa ka Jonathan Pablo, Top 9 most wanted sa Sarangani Province alas 5:47 ang takna sa Kabuntagon .
Si Pablo ang adunay standing Warrants of Arrest sa kasong multiple murder, frustrated murder ug attempted murder ug maoy prime suspect sa pagpatay sa managsuong Ingkong nga silang si Allan, Angelo ug Myko sa upper Brgy Sapu Masla, Malapatan, niadtong nakalabayng simana.
Gikaingong nakigpinusilay pa ang suspek ngadto sa kapulisan apan siya naigo nga hinungdan sa iyang kamatayon.
Narekober gikan sa iyang posisyon ang usa ka unit sa Carbine Rifle, magazine, buhing bala, Granada ug usa ka unit sa Cellphone.
Una nang nakadawat ug report ang kapulisan nga anaa sa lugar ang suspek mao nga gilayong gipahigayon ang operasyon.
Naligo sa sapa ang nasampit nga suspek dihang naabtan sa kapulisan, dihang namatikdan niini ang presensya sa operatiba siya misukol mao nga napugos ang kapulisan nga mubalos nga hinungdan sa kamatayon sa suspek.
