Top 9 regional target sa Digos, sikop sa buy-bust

87
Davao City – Arestado sa Digos PNP ang usa ka high value individual atol sa gilusad nga Anti-Illegal Drug Buy Bust Operation sa Purok Sunflower, Barangay San Miguel, Digos City, Davao Del Sur, pasado alas1:00 sa kadlawon kagahapong adlawa (July 1, 2022).

Sa interbyu sa DXDC RMN Davao kang Police Corporal (PCpl) Michael Mendoza, sa Digos PNP, gibutyag niini, taud-taud na usab nila nga gimonitor ang suspek nga si Romeo Andoy, 58 anyos, minyo ug residente sa Purok Duranta, Brgy. San Miguel, Digos City.

Nakuha sa suspek ang mga pakete sa gituohang shabu nga anaa sa kapin 2 gramos ug mokantidad og P33,300.

“Bale regional target number 9 (ang suspek). Kuan siya, high value individual),” matud ni Mendoza.

Kasong paglapas sa Republic Act (RA) 9165 ang atubangon sa suspek nga gibalhog na karon sa Digos PNP detention facility.

RadyoMaN Kirby Manzon

Facebook Comments