TOUR OPERATORS AG TRAVEL AGENCY SUGOT SA BORACAY CLOSURE SA HUNYO

Kalibo, Aklan – Kun indi eon gid man mapunggan ro pagpasirado sa isla it Boracay sa sueod it 2 buean,
nagapabor lang ro mga Tour Operators ag Travel Agencies sa plano, pero ginahinyo nanda nga ro closue
hay dapat sa buean it Hunyo, kon siin naga umpisada ro off=season.
Ro katuyuan kara suno sa mga tour operators ag travel agencies nga komo off-season bukon it masyado
ro pag aeabutan it mga turista ag para mataw=an pa it hugada ro andang pag komunikar ag pag esplikar
sa mga local ag foreign tourists kon ham-an gina sirado ro isla.
Sa ging patigayon nga inter-agency task force meeting ging pahayag ni Department of Tourism Assistant
Secretary for Office of Public Affairs Frederick Alegre nga may proposal ro DILG ag DENR isirado raya it 2
buean ag ideklarang under sa State of Emergency ag State of Calamity ro Boracay para makabulig ro
National Government ag ma punduhan ro rehabilitasyon it isla.
Suno mat-a kay DENR Secretary Roy Cimatu,mas mapadasig kuno ro rehabilitasyon it Boracay kon
siraduhon anay raya it daywang buean.
Sa pihak nga bahin, ging pahayag ni Alegre nga nagtaas gihapon ro tourists arrival sa pihak ko ginahimo
nga hotel cancellation of bookings matapos ro pronouncement ni President Rodrigo Duterte nga
cesspool ro Boracay.

Facebook Comments