Tourism branding han Tacloban City, gin-uran hin mga kritisismo

TACLOBAN CITY – Gin-uran hin mga reaksyon an Tourism Branding han Tacloban City, ini an Tacloban: The Happiest People in the World.

Nagin viral ini ha social media matapos nga makit-an an branding campaign launch video ha facebook page ni Tacloban City Mayor Cristina Romualdez ngan Tacloban City Government Facebook Page.

Usa ha mga reaksyon nga damo an nag-likes in tikang kan Krizette Laurita Chu, sumala ha iya, “I am sorry to whoever came up with the Tacloban “The world’s Happiest People” branding, but what a lazy way to advertise and package a destination.”


Dugang pa ni Chu, “What happens when a tourist comes and expects people to be all smiles? We’re not a smiley bunch. Then we’ve already set the stage for disappointment… swear to God Leytenos are not a smiley bunch. We don’t even say good morning to random people.”

Usa gihapon nga reaksyon nga damo an likes in tikang kan Maria Tata, sumala ha iya, diri hira happy kay nagbababaha ha ira lugar ha Brgy. Utap kun nauran.

Ginkuha naman han RMN an reaksyon han Tacloban City Government, sumala kan Henry James Roca, Information Officer han Tacloban City Hall, ginbubuhat an ngatanan han Local Government para maipakita nga maupay iton syudad han Tacloban.

“Given man gud ito Jake hano [nga mga criticisms] siring pa han aton darahunon you cannot please everybody. Iton pinaka-point la naton hiton dida is an Tacloban City ginbubuhat naton ngatanan nga pamaaagi para maipakita naton nga maupay iton Tacloban City.”

“Pinaagi kan Mayor Crisitina nagkakaada kita hin campaign nga ginpapakita iton maupay nga mga butang ha Tacloban City. Ito nga mga kritisismo natural la ito hiya. Tungod hini nga mga kritisismo mas nakikilal-an lugod an aton campaign.”

Facebook Comments