Tourist spots ha Eastern Visayas, ginpapanginano na han DENR

TACLOBAN CITY – Ginpapanginano na han Dept. of Environment and Natural Resources (DENR) Region 8 an ngatanan nga tourist destination ha bug-os nga Sinirangan Bisayas ini nga matapos ig-anunsyo han Dept. of Tourism nga iton Samar lakip na iton bug-os nga Sinirangan Bisayas in saliwan la anay ha Boracay.

Plano man gud han pira nga magbaralaud nga igpasara an Boracay ha sakob han unom ka-bulan ngada usa ka-tuig.

Sumala kan DENR Regional Director Crizaldy Barcelo, gintikangan na han ira ahensya an monitoring ha mga establisyemento ha kada tourist site pati na liwat an kabutang han mao nga tourist destination.


Ginpapanginano na daw liwat han mga tinaglawas han DENR kun nasunod ba ini nga mga commercial establishment ha mga balaud ha pangkalibungan.

Patapod han opisyal nga diri masusugad iton mga tourist destination dinhi ha aton dapit an nahinabo ha Boracay kun diin damo nga mga business establishment an waray sumunod ha patakaran han DENR.

Facebook Comments