Madalag, Aklan – Patay rong sangka trabahador it gina ubrang dam sa Sitio Eoho, Brgy. Ma. Cristina Madalag Aklan matapos nga makuryente kahapon it hapon.
Ro biktima nakilaea kay Jules Rata y Alejandro, 50-anyos ang residente it nasambit nga lugar.
Sa record it Madalag MPS nga nakabaton sanda it tawag halin kay Mrs. Roda Luhann, Safety Engineer it China Water International nga may nakuryente sa ginaobra nga hydro power plant sa nasambita nga lugar kun sa siin insigida man nanda raya nga gin repondeha.
Pag-abot sa lugar hay andang naabutan nga uwa eon it kabuhi rong biktima.
Base sa pag imbestiga naga guwa nga samtang rayang biktima hay naga limpyo it bakal gamit rong grinder kaibahan si Judimar Zaulda hay gulpi eamang raya nga nagkisay kisay.
Bangud kara hay dali-dali man nga gindaeagan ni Zaulda rong switch para nga i-off pero uwa gid matabangi rong biktima.
Sa makaron hay una eon sa sangka funerarya sa banwa it Madalag rong bangkay ag igapaidaeom sa post mortem examination.
