Davao City – ‘Track record’ ug ‘individual capacity’ maoy angay himoong basihan o kwalipikasyon sa pagpili sa kandidato karong election.
Sumala ni Lasang Barangay Captain Allan Simo-ag, tan-awon ang track record kung ang kandidato incumbent samtang sa bag-o, dili basehan ang iyang pangalan kon dili ang iyang katakos nga moserbisyo sa katawhan.
Gipasabot usab ni Simo-ag, mas maayo kung hatagan ug igong diskrisyon ang mga botante sa ilang pagpili sa kandidatong ilang pilion.
Giklaro usab sa kapitan sa Lasang nga patas-an pa nato ang standard sa mga botante tungod kay ang mga kandidato mag-agad lang usab kini sa mga tawo kung kinsa ang modawat og kwarta or dili.
Giingon usab ni Simo-ag nga mas maayo gyud nga dili modawat ug salapi tungod kay ang mga botante man ang makapausab sa sistema ug dagan sa pulitika sa atong nasod.
RadyoMaN Bernard Pantallon
