Traffic enforcer, gipusil patay

PC: RadyoMan Jonathan Nasaire Bullo

Patay ang usa ka traffic enforcer sa Roads and Traffic Administration kon RTA sa dihang gipusil sa wala mailang lalaki sa National Highway Barangay Puerto ning syudad sa Cagayan de Oro mga alas 7:20 kagabii.

Ang biktima nailang si Mark Langam IV, 27 anyos, ulitawo ug taga Zone 9, Ilaya, Barangay Cugman.

Base sa nakitang CCTV footage, si Langam gipusil sa wala mailang lalaki nga nakahelmet ug sakay sa motorsiklo sa makaduhang higayon gamit ang calibre .45 nga pistola .


Nasayran nga nagpahigayon og road clearing operation ang RTA uban ang composite team sa dakbayan batok sa mga illegal nga nag-operate sa mga bao-bao kon tricab ug mga motorized tricycle sa maong dapit sa dihang nahitabo ang insedente.

Facebook Comments