Traffic enforcer nabanggaan-patay sa police official

539

Davao City – Kasong reckless imprudence resulting to homicide ang atubangong kaso sa police official nga nakabangga-patay sa usa ka Traffic Management Center (TMC) personnel pasado alas-5 sa hapon kagahapon, December 12, 2019 sa Bypass road, Maa, Davao City.

Sa interbyu sa DXDC RMN Davao kang Police Major Ronald Lao, Station Commander sa Talomo PNP, giila niini ang suspek nga si Julius Edpalina, taga Davao nga nag training sa Regional Training Center (RTC) sa Mintal, Davao City, hamtong, samtang ang biktima mao si Rey Sison, hamtong, taga Cabantian, Davao City.


Saysay ni Lao nga anaa tunga sa karsada ang TMC personnel samtang nag-imbestiga sa usa ka insidente sa dalan sa dihang kalit na lamang mibangga kaniya ang kotse nga gisakyan sa suspek diin sa kakusog sa impact, miresulta kini sa iyang hinanaling kamatayon.

“Naay insidente didto, nabangga daw. Nag-imbestiga siya. Kining isa (suspek) ni-kuan sa pikas lane, mao nang naigo niya, na-hit niya si TMC,” saysay ni Lao.

Padayon karon ang pagpalawom sa imbestigasyon labot sa insidente.

RadyoMaN Kirby Manzon

Facebook Comments

From Advertisers