Traffic enforcer nakit-ang patay

Davao City – Bisann og walay nakit-ang foul play sa kamatayon sa traffic enforcer apan ipailawom gihapon kini sa awtopsiya sa kapulisan aron masuta ang hinungdan sa kamatayon sa biktima.

Alas-10:30 Disyembre 9 sa buntag dihang nakit-ang patay sa kapuyo nga si Ruth Udasan ang biktima nga si Roland Pacapac, traffic enforcer, ug nagpuyo sa Sto. Rasario, Km. 12 Sasa ning siyudad nga wala nay kinabuhi.

Sumala ni Ruth nga makapila kini kahigayon nagtuktok sa pultahan apan wala gayod mibangon ang biktima.


Busa napugos kini og tanggal sa aircon aron makasulod sa ilang balay agi sa gamay’ng buslot nga giplastaran sa aircon.

Midiretso og sulod sa kwarto ang ginang aron iyang pukawon si Roland apan nangangha na lamang kini kay bugnaw na kaayo ug wala na mag ginhawa ang biktima.

Daling nangayo og tabang si Ruth sa Central 911 Medic Team apan gideklara gihapon ang traffic enforcer nga patay na.

Sumala ni PO2 James Aquino nga nakig-inom ang biktima sa ilang silingan dihang nahiuli kini gikan sa trabah diin gireklamo usab sa biktima ang pagpanakit sa iyang liog.

RadyoMaN Joel Viray

Facebook Comments