TRAK VS. MOTOR | Angkas sa motor patay matapos nabungguan sang trak, driver naospital

KABANKALAN CITY, NEGROS OCCIDENTAL – Isa ang napatay kag isa man ang nasamaran sang nagbungguanay ang isa ka motorsiko kag truck kahapon sang hapon sa National Highway sang Brgy. Binicuil, Kabankalan City.

Ang biktima ang ginkilala sa kay Analiza Padorna, 39 anyos, residente sang Sitio Tambo, Barangay Inayawan, Banwa sang Cauayan.

Padayon naman nga gina-bulong sa ospital ang driver sang motor nga si Antonio Coyagbo, 28 anyos, residente man sang amo nga lugar.


Sa imbestigayon sang Kabankalan PNP, nga bangud kurbada ang lugar sang aksidente, nabunggu-an sang naga-sugata nga trak ang motorsiklo matapos man nag-agaw ini sa pihak nga linya.

Ang truck ang gina maneho ni Edgar Requinto, 40 anyos sang Barangay Pantao, Mabinay, Negros Oriental.

Si Requinto ang padayon nga detained sa Kabankalan Police Station./dyHB BACOLOD

Facebook Comments