Transakyon sa iligal nga droga sa Bukidnon, nihinay na sigun sa PDEA

39

Aduna pagkunhod sa illegal drug activities sa probinsya sa Bukidnon. Sa interview sa RMN Malaybalay ngadto kang John Romy Echeveria, ang provincial officer sa Philippine Drug Enforcement Agency kon PDEA-Bukidnon gibutyag niini nga ang kasamtang resulta tungod sa mas hugot nga supply reduction effort sa tabang sa Philippine National Police (PNP) ug local government unit kon LGU’s ug mga ahensiya sa gobyerno. Hinoon aminado si Echeveria nga pabilin pa gihapon ang merkado sa illegal nga droga tungod kay aduna pay wala nisanong sa awhag ug hugot nga kampanya sa gobyerno. Matud niya nga tungod sa drug addiction aduna pay daghan nga nagpadayon sa pakiglambigit illegal nga droga bisan adunay barangay drug clearing program. Apan kung ikumpara matud pa ang transaksiyon sa illegal nga droga sa Bukidnon kaniadto, mas mihinay na kini karon. Una nang gi-ingon sa PDEA nga mitaas ang presyo sa iligal nga droga gumikan kay naglisod na ang mga sindikato nga makakua sa mga drug courier. Mahinumduman nga sukad kaniadtong Hulyo 1, 2016 hangtod Pebrero 19, 2018 mukabat na sa 681,897 ang napahigayon tokhang kon house visitation sa PNP Bukidnon, 29, 455 ang nitahan, 11 ka recovery and wellness program ang gihimo ug anaa pa sa 4,692 ang ihap sa mga ni-gradwar.

Facebook Comments