Transport Strike sa Davao usa lang ka adlaw

Davao City- Usa lang ka adlaw magpahigayon ug transport strike (tigil pasada) ang mga drivers sa pagpanguna sa Transmision Piston Southern Mindanao Region (Transmision Piston-SMR) karong lunes, Oktobre 16.

Sa interview sa DXDC RMN Davao, giklaro ni Transmision-Piston SMR Chairman Charito Junares nga duha ka adlaw ang tigil pasada sa ubang lugar sa nasud ilabina sa Manila samtang usa lang diri sa Davao tungod kay dili nila gusto nga maapektohan usab ang panginabuhian sa mga gagmay’ng drivers ug trabahante.

Sumala ni Juranes, ang ilang asosasyon sa kinatibuok Southern Mindanao, hugot nga mibabag sa lakang sa gobyerno sa pagphase out sa mga daan nang mga jeepney ilalom sa Modernization Program sa gobyerno tungod kay dakong maapektohan niini ang gagmay’ng drivers ug operators.


RadyoMan Bernard Pantallon

Facebook Comments