Travel advisory sa UK, dili makaapekto sa turismo sa dakbayan

Davao City – Wala sumala pay nakitang epekto sa turismo sa dakbayan sa Davao ang nahimong travel advisory nga gipagawas sa United Kingdom (UK) niadtong December 31, 2018.

Kini ang nahimong pamahayag ni City Tourism Office (CTO) head, Generose Tecson human nga nagpa-abiso ang UK sa ilang katawhan nga dili usa mubiyahe sa Western ug Central Mindanao human sa nahitabong pagbusikad sa Improvised Explosive Device sa usa ka mall sa Cotabato City diin duha ang natalang patay.

Gibutyag sa Toursim Head nga gamay lang ang ihap sa mga British nationals nga nagabisita sa dakbayan kung itandi sa ihap sa American, Chinese, Japanese ug Korean nationals.


Samtang gipaniguro sa kasundalohan ang seguridad sa syudad diin gibutyag sa militar nga dakong tabang ang mipatigbabaw karon nga Martial Law sa isla sa Mindanao.

RadyoMaN Kirby Manzon

Facebook Comments