Traysikad drayber gipusil sa naka-Innova patay samtang gitambalan sa ospital

9

[image: IFM 919 Logo (1).jpg]
Gibakwian na sa iyang kinabuhi samtang ginatambalan sulod sa emergency room sa government hospital sa General Santos City tungod nakaangkon og samad pinusilan sa iyang tiyan lahos sa iyang likod niaging adlaw.

Giila ang nasangpit sa pangalang Rody Posadas, 35 anyos ug residente sa Purok 18, Barangay Lagao ning siyudad nga gipusil sa suspek nga nagsakay og Toyota Innova samtang kini nagmaneho sa iyang traysikad.

Sa inisyal nga imbestigasyon, gisundan matud pa sa suspek nga sakay sa usa ka Innova ang biktima dayon gipusil sa likop nga bahin nga milapos sa iyahang dughan.

Pamahayag pa ni Chief Inspector Peter Pinalgan nga sa karon ilaha pang ginasuta ang background sa biktima aron nga masayran kung unsa nga anggulo ang dapat tutukan sa maong insidente.

Nagapahigayon na matud pa sila ug mas lalom nga imbestigasyon aron masayran kung si kinsa ang suspek hilabina nga adunay nakahatag sa eksaktong hulagway sa sakyanan nga gigamit.

Nakig-alayon na usab sila sa mga establishmentong anaa sa lugar sapagtuong nakuhan ug footage ang sakyanan nga igamit sa mga suspek.

Facebook Comments