Davao City – Patay ang usa ka traysikad driver human aksidenteng nahulog sa dihang mikatkat kini sa punoan sa lubi alas 9:15 sa buntag nahitabo didto sa Barangay 19-B, Garcia Heights siyudad sa Davao.
Sa report gikan sa kapolisan sa Sta Ana PNP ang biktima mao si Rex Evale Francisco, 36 anyos nagpuyo sa maong lugar.
Sa imbestigasyon sa kapolisan Sta. Ana PNP nga base usab sa usa ka witness mikatkat ug lubi ang biktima nga anaa sa 30 ka feet ang kahabugon apan aksidente kining nadalin-as ug wa ka gunit niadtong tungora hinungdan nga nahulog ug nahagsa sa usa ka buak nga TV ang maong lalaki resulta sa pagkaangkon og samad ug bali sa lawas niini.
Daling gitabang ang biktima sa mga personahe sa 911 ug gidala sa Southern Philippines Medical Center apan gideklara na kining dead on arrival.
Sa karon ang patayng lawas sa biktima anaa pa sa morgue sa hospital sa SPMC.
RadyoMaN Don Pulayao
