Traysikel drayber nga hubog samaron human gibangga ang trak

14

[image: IFM 919 Logo (1).jpg]
Samaron ang traysikel drayber human gibangga niini ang prime mover truck sa Polomolok South Cotabato sa may Purok Matulungin, Barangay Lumakil sa nasangpit nga munisipyo.

Base sa imbestigasyon sa Traffic Management Unit sa Polomolok PNP giila ang samarong traysikel drayber nga si Lorenzo Matanod, hamtong ang edad samtang ang drayber sa trak giilang si Antonio Dominguez.


Nasayran sa gihimong imbestigasyon ni PO3 Bobby Villena nga gikan og birthday party sa usa ka swimming pool resort sa munisipyo ang biktima og pauli dihang kasugat niini sa unahan ang trak na may kargang semento.

Mihunong ang trak sa highway sa maong purok apan wala makabantay ang biktima og nibangga sa trak.

Guba ang traysikel nga nagpabilin sa kustodiya sa presinto sa kapolisan.

Gidala sa ospital ang biktimang drayber human makaangkon og samad sa iyang dagway.

Luwas usab gikan sa makuyawng kahimtang ang traysikel drayber.

Facebook Comments

From Advertisers