TRENDING | Driver nga nag-uli sang nakita nga cellphone, nagtrending sa social media

Roxas City, Capiz – Nagtrending sa social media ang isa ka tricycle driver nagikan sa Roxas City, matapos nga ginbalik sini sa tag-iya ang cellphone nga iya nakita sa dalan. Sa isa ka post nga facebook account nga Bae Stevey Amoglav <www.facebook.com/stepany.valgoma?hc_ref=ARTRf9CanQZVf5THTBAHGtGt5aQ54vohXRAK_RbSHQuRDhBEVbmtY8pS8-h3Sqma6k0&fref=nf> (Valgoma) sang nagkigad nga June 19, ginpasalamatan sini ang tricycle driver nga si Mr. EDGAR BALLE matapos nga mabalik ang cellphone sini. Suno sa tag-iya, nadula ang iya nga cellphone samtang nagasakay sa tricycle, padulong sa MEDICUS, Rizal St., Roxas City. Natalupangdan sini nga wala na ang iya cellphone, rasun nga nagpangita ini sang paagi agud ma-contact ukon matawagan ini. Bangud sa katampad kag kaayo ni Mr. Balle, ginsabat sini ang nagapanawag nga tag-iya kag nagkasugot nga magkitaay agud mabalik ang cellphone.Ginpahayag sang driver nga nakita sini ang cellphone sa dalan, kag bangud wala ang ini sang intension nga kuhaon ang amo nga bagay, ginpakamaayo sini nga ibalik sa tag-iya. Ang tricycle nga ginmaneho ni Mr. Balle ang may city number nga 1351.
(c) Bae Stevey Amoglav <www.facebook.com/stepany.valgoma?hc_ref=ARTRf9CanQZVf5THTBAHGtGt5aQ54vohXRAK_RbSHQuRDhBEVbmtY8pS8-h3Sqma6k0&fref=nf>

Facebook Comments