tricycle driver, dakpan sa operasyon sa PDEA 12!

General Santos City— Dakpan sa gipahigayong buybust operation sa PDEA 12 ang usa ka tricycle driver nga naila sa pangalang Eduardo Vallente, 37 anyos ug residente sa Purok Morillo, Brgy. Sta. Cruz, koronadal.

Sumala kang Kath Abad, ang tigpamaba sa PDEA 12 nga alas 5 pasado ang takna sa hapon dihang gipahigayon ang operasyon kung asa narekober gikan sa iyahang posisyon ang sachet sa gituuhang shabu ug buybust money.

Dugang pamahayag ni Abad nga wala sa ilahang watch list ang suspek nga si Vallente apan ang maong operasyon ang resulta matud pa sa reklamo sa kumyunidad.


Gawas matud pa sa iyahang trabaho isip driver, nagasideline kini sa pagpamaligya ug illegal nga druga.
Gipasakaan na nila ug kasong paglapas sa Sec. 5 ug 11 sa R.A 9165 ang suspek kung asa nakakustudiya na kini sa lock up cell sa PDEA 12.

Kalabot niini, gibutyag ni Abad mukabat sa 3mil ka pesos ang druga nga narekober gikan sa posisyon sa suspek ug dugay na matud pa kining ginareklamo sa lugar.

Dili man usab kini makosidera nga bigtime pusher gumikan sa modus nga iyahang ginahimo.

Sa karon, ilaha pang ginasuta kung si kinsa ang posibleng source niini sa drugang gipatuhot sa syudad sa koronadal.

Facebook Comments