Tricycle driver gibugha sa riding in tandem

KORONADAL CITY- Patay ang 31 anyos nga tricycle driver human gipusil sa riding in tandem sa Purok Pag-ibig, barangay Zone 3, pasado alas 4 sa hapon niadtong adlawng Sabado.

Giila ang biktima nga si Benny Cardona, dispatcher ug residente sa Purok Guadalope, Barangay Carpenter Hill, Koronadal City.

Sumala pa ni Barangay Zone 3 kapitan, Bert Hinay, nga nag sideline ug drive ug tricycle ang biktima niadtong higayona, pag-abot sa lugar kalit matud pa kining gitaparan sa duha ka mga suspek nga sakay sa motorsiklo dayon gipusil duha ka higayon.


Samad sa ulo ang naangkon sa biktima nga maoy hinungdan sa iyang kamatayon. Paspas usab nga misibat ang suspek human sa pagpamusil.

Sumala usab sa saysay sa mga testigo sa lugar, pulos nakatabon ang nawong sa mga suspetsado sa krimen. Sa karon nagpadayon ang gihimong imbistigasyon sa kapulisan kalabutan sa insidenti.

Facebook Comments