Tricycle driver gintiro, patay sa banwa sang Polomolok sang ginapatihan miyembro sang Dawla Islamiya.

Patay ang isa ka tricycle driver matapos nga tiruhon sang ginapatihan miyembro sang Dawla Islamiya Maguid Group sa Prk. Bargas, Crossing Palkan, Polomolok, South Cotabato sang tinalikdan nga adlaw.
Ginkilala ang biktima kay Elesito Planto Dignadice, 59-anyos kag residente sang nasambit nga lugar.
Nakaangkon ang biktima sang igo sa ulo kag iban pa nga parte sang iya nga lawas nga nangin tunaan sang iya hinali nga kamatayon.
Sa imbestigasyon sang kapulisan nga ginabaybay sang biktima ang dalanon sang Brgy. Koronadal Proper provincial road padulong sa Brgy. Crossing Palkan, apang pag-abot sa nasambit nga lugar ginpaulanan ini sang bala.
Tigayon naman nga ginkuha sang mga suspetsado ang sling bag sang biktima nga may unod nga P2,000.00, personal nga gamit sang biktima kag narekober man sa lugar ang basiyo sang 45 nga kalibre sang armas luthang.
Ginkilala naman suno pa ang mga suspetsado nga sanday Prince Ja kag Norman Marangit ginapatihan miyembro kag followers sang Dawla islamiya Maguid Group nga responsable sa robbery hold-up, carnapping kag gun for hire activities.
Sa subong padayon ang imbestigasyon sang Polomolok Pnp sa nasambit nga insidente kag pagkaaresto sa mga suspetsado.

Facebook Comments