Tricycle driver nga gin reklamo it sangka estudyante matapos gina alegar na nga gindaea imaw sa sangka makadueoda nga lugar na trace it mga kapulisan ag nagklaro sa anang side

25

Kalibo, Aklan – Na trace it mga kapulisan ag nagklaro sa Kalibo PNP rong sangka driver it tricycle nga may body number R2-1530 matapos nga ginreklamo it sangka 19-anyos nga estudyanteng babaye nga anang gina alegar nga imaw gindaea sa sangka makadueoda nga lugar sa may Magdalena Village, New Buswang, Kalibo.
Nag-tuhaw raya ko Miyerkules matapos nga magsakay sa tricycle ro estudyante halin sa may prente it Aklan Catholic College sa Archbishop Reyes St., ag magapahatod man kunta sa may ACC nga sa prente it Kalibo Public Market.
Bago pa man nakasakay rong babaye hay may nakasakay eagi nga daywa kung sa siin ro direksyon it sambilog hay sa Philhealth ag ro sambilog hay sa Magdalena Village, New Buswang.
Una nga ginhatod rong sa Philhealth ag nagbalik sa may Crossing Buswang ag deretso sa Magdalena Village ro tricycle.
Nagkangawa rong estudyante nga pwede man imaw ihapit sa anang gina adtunan eagi bago ro pasahero nga taga Magdalena Village pero gin una pa raya it hatod.
Matapos nga makapanaog rong pasahero hay naghambae pa kana rong driver nga malibot-libot anay sanda ag gin agi imaw sa mga lugar nga bukon it familiar kana, uwa hingan it tawo ag mga saeakyan nga naga agi.
Nagpundo pa rong driver ag nag-ihi tapos ginhambaean imaw nga magsaylo sa prente.
Sa kakueba ko babaye eomumpat raya samtang nagadaeagan rong tricycle ag sa mayad nga swerte uwa maalin.
Ana eon lang ginpakamayad nga i-report sa Kalibo PNP rong hitabo.
Samtang, kaina sa pakikipag-angot it RMN News Team sa driver nga nakilaea kay Louis David Salgado, tubong Antique ag presente nga naga istar iya sa banwa it Kalibo nga suno kana anang ginpasakay rong babaye ag naghambe nga sa ACC sa may tindahan pero ana raya nga ginhambaean nga may nauna pa akong pasahero ga ilibot libot ko lang anay kamo ag nagpasugot man suno kana ro babaye, pero pag-abot sa may Magdalena hay gulpi suno kana nag eompat ro babaye, ana nga ginhambaean nga ham-an nag-eompat ikaw ag nagsabat kana nga gadali ako abi nong.
Ginhambae pa gid ko driver nga uwa ta imaw it maea-in nga kong ano sa babaye ana malang hay naga trabaho imaw it husto ag nagapang eakman it pasahero maw nga may mga gin agyan pa imaw nga daean nga posible maka pick up it pashero.
Ginkutana man nana rong babaye kung naga dali ag nagpamalibad man raya sa driver.
Isaea pa suno kana nga kilaea man imaw iya sa Kalibo ag kahuy-anan ro maghimo it maea-in.
Nag pangayo man is pasensya rong driver sa nasambit nga babaye nga kung ano man gina isip nana hay bukon it matuod dahil uwa imaw it plano nga maea-in ag nagapang-eakman eamang imaw it pasahero.
Matapos rong komprontasyon sa Kalibo PNP hay ginrefer da sanda sa opisina it Traffic and Transport Management Division para sa nagakaigo nga disposisyon sa driver.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARC4KE6KfEAkpzIWbtdijaa6c7yc3OO-ayAy8-4-bzHNvdP5WvktYNaJ9V6sLbaHkTzewjbQzDDbIPbmEc92F3QgsbLp3Bl30YIcaXUOBlrSWhq03FzH…>

Facebook Comments

From Advertisers