Tricycle driver patay matapos gintiro sang riding in tandem sa syudad sang Himamaylan

28

Patay ang isa ka tricycle driver matapos ini gintiro sang riding in tandem las 5:20 ang takna kaina sang hapon [Oktubre 20] sa Purok 4, Barangay 4, Himamaylan City.

Nakilala ang biktima kay Rolyn Gutierez alyas Nene, 29 anyos sang Purok Rock Crusher sa amu man nga lugar.


Suno sa pasahero sini nga Romel Sales, 57 anyos nga padulong sila sa south nga direksyon kag sang ara na sila sa Purok 4, sa atubang sang Doña Julieta Subdivision, nakabati na gid lamang sya sang lupok kag didto naigo ang driver nga si Gutierez.

Nakita nya pa nga nahulog sa tricycle ang biktima samtang pa-Sur naman ang direksyon sang mga suspek nga nagasakay sa Yamaha MIO nga motorsiklo.

May igo sa iya nawong kag tyan si Gutierrez kag gilayon gindala sang rescue sa Himamaylan District Hospital apang gindeklara nga dead-on-arrival.

Narecover sa crime scene ang duha ka baseyo sang .45 kalibre nga pistola.




Sa record sang Himamaylan PNP, si Gutierrez ang Top 7 priority list sang syudad sa iligal nga druga kag isa ka high value individual. May mga record man ini sang pagpangawat sa syudad kag kaiping nga lugar nga katapo sang Bugalon Drug Group.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments